Ana R.黑喱露點撐黑超韋哥
Ana R.當眾露點：Sorry，我都唔想！
[轉載/Youtube] Ana R.前晚與好姊妹Jessica C.結伴出席《黑超特警組3》首映，兩人齊齊以黑色喱士上陣，大玩透視誘惑，真空的Ana R.更大方透點，把瞓身以超deep V博宣傳的袁彌明完全比下去。電影《黑超特警組3》前晚在金鐘舉行首映禮，邀得宣萱、Ana R.、Jessica C.、Joycelyn與丈夫Anthony、袁彌明等到場支持。向來不吝惜美好身材的Ana R.及Jessica C.齊齊以透視裝現身，自言是「woman in black lace」打扮。
上衣不停移位
由於Ana R.的上衣太鬆，邊行邊滑落，胸前兩點在黑喱士下若隱若現，得悉露點後，她更大方笑謂：「Sorry，我冇心要露出嚟㗎。我同Jessica平日都會一齊去睇戲，不過當然唔會打扮成咁。」Ana R.指她弟弟與男主角韋史密夫很相似，同樣擁有黝黑皮膚又搞笑。
宣萱被屈隆胸
轉戰商界的袁彌明，最近積極從政更有意參選立法會選舉，前晚她以超deep V現身：「我着成咁係要話畀大家知，我今次真係毫無保留博到盡，有意去參選立法會議員，不過我唔會性感拉票，驚唔可以討好到市民，呢次係最後一次咁性感。」可惜超deep V亦不及Ana R.的透點搶鏡，未能成功博宣傳。
忙於在內地拍劇的宣萱，早前被美容公司暗示隆過胸，她直言當時有嬲：「我唔係介意隆胸，但真係冇做過，感覺好侮辱我，唔會接受呢啲行為，離開咗公司（TVB）遇多咗呢啲嘢，不過經一事長一智。」
