民記壽酒 網民惡搞踩場
李慧琼爆執金橫額 2012-05-23
禮義廉四圍屙 李慧琼是狗？
一向深受網民「愛戴」嘅民記，噚日又因一張橫額紅爆網。民記呢張橫額內容如下：「做個有公德心狗主 請妥善清理狗隻便溺」，錯有錯着，尊貴的李慧琼議員個名，竟然印在橫額中央位置，可能有人會睇成要妥善處理李議員嘅便溺，難怪網民睇到笑到反肚。可能見坊間反應遠超預期，李慧琼忍唔住喺 Facebook發出特別聲明，話橫額唔係佢辦事處出品，佢已報警。有狗主睇到，即留言表示失望。
[轉載/Youtube]立法會選戰仲有四個月就到，網民聲討就快20歲嘅「禮義廉」復仇聖戰，正式開波。頭炮係房委會宣佈公屋加租一成，民記劉江華叻唔切，極速出傳單「強烈反對」，點知抽水不成反捉蟲。原來當年禮義廉曾鈺成、譚耀宗、陳鑑林、黃容根等八人有份投票撐政府，「成功爭取」今日公屋瘋狂加租。高登仔即時自製「多得民建聯」海報，呼朋喚友，叫佢哋自行打印，喺公屋信箱狂派。網民同社民連更揚言會去民記黨慶酒會踩場「贈興」㖭。自稱「匿名復仇者」
話說政府07年提出廢除公屋租金唔可以超過居民入息中位數一成上限嘅條文，工聯會，民記等建制派投晒贊成票，令草案以三票之微獲通過。有網民噚日將投票結果同埋劉江華嘅反對加租傳單整做海報，叫食開蛇齋餅糉嘅公公婆婆睇清楚邊個係賣港賊。
改圖組亦同時做嘢。前日過千網民share一張李慧琼banner，呼籲狗主清理狗隻便溺，李議員個樣擺中間，令人以為要清理佢嘅便溺。呢張相嘅改圖技術達神級程度，好多人信以為真。自稱「二創網民」向八方承認責任，原來佢哋改咗張相，將相中banner嘅狗公仔換做李議員個樣，正版banner仲喺條街原封不動。
呢班二創網民嘅復仇宣言係「我們是匿名復仇者，我們不會忘記！」部署陸續惡搞立法會民記參選人宣傳品。佢哋喪鬧民記將雞毛蒜皮民生議題放大，刻意淡化大是大非政制問題。下一個復仇目標已經鎖定：新界東嘅民記大佬，睇路呀！
另一班網民就相約緊，7月6號去民記20周年黨慶酒會「贈興」，裏面有啲係社民連成員，但八方打去問詳情，佢哋就話仲要傾傾。
