陳七爆房雙嬌各取所需 Emily暴紅認錯 Toby恨閃婚
Toby：唔會後悔
爆房Emily認錯 祝福陳七
[轉載/Youtube]愛情遊戲容不下三角關係，爛滾球星陳肇麒（陳七）上月背模女友劉雅婷（Toby），偷嗒其模姊妹張可義（Emily），陳七一次爆房令其清袋，失去事業愛情的他大前晚在澳門重施爆房秘技向正印Toby箍煲，獲女友力撐嫁得過。出局小三Emily昨日收起風騷認錯，力求陳七及Toby原諒，鬧劇暫且落幕！現年23歲的模張可義上月中在天后維多利亞時鐘酒店，跟前南華球員陳肇麒爆房100分鐘，成功上位，事件曝光即被陳七正印劉雅婷踢爆撬牆腳。Emily昨日在爆房地點附近的維多利亞公園受訪，她既為自己辯護，也承認爆房事件傷透了陳七及Toby，願向兩人誠意道歉。
「靚仔冇安全感」
對於陳七和Toby大前晚被發現在澳門甜蜜爆房箍煲，Emily尷尬說：「恭喜佢地哋，兩個相愛嘅人好番。喺件事（爆房）之後，我哋冇聯絡，我承認自己處理得唔好，成件事要向兩位道歉，我唔係有心想做啲乜嘢傷害佢哋。」Emily又衷心祝福陳七和Toby有情人終成眷屬：「佢哋結婚我都想做人情，請飲會去，但要問番佢哋先。」
Emily直認恨拍拖兼恨嫁，她說：「30歲前嫁啦，我恨拍拖，想有男朋友照顧，我可以好依賴人，冇男友時就靠自己。」Emily又說擇偶條件忌靚仔：「靚仔冇安全感，我鍾意年紀大啲嘅男人，因為成熟穩重啲，可以教到我嘢。」她表示只拍過兩次拖，陳七不計算在內。
曾多次約會陳七
爆房事件始終是Emily死穴，她雖強調當晚沒事發生，但回應時仍驚青說：「我冇承認都冇否認，信我嘅人自然會信，件事只係同屋企人交代，呢件事唔再回應。」Emily又自爆當晚不是第一次跟陳七單獨約會，她說：「去過幾次，冇話邊個約邊個，雙向嘅，錯在自己冇問清楚。」她形容事件是誤會一場，陳七和女友復合，Emily在事件賺得知名度，總算錯有錯着。
陳七拖女五星級爆房 2012-06-07
情侶手繩綁女友過大海 陳七五星級爆房
[轉載/Youtube]因偷食爆房煲煙遭模女友劉雅婷（Toby）及老闆羅傑承遺棄、慘變雙失青年的26歲球星陳肇麒（陳七），最近洗心革面，據知他多次向女友道歉，前晚更趁Toby到澳門工作，實行人盯人戰術箍煲，今次陳七還帶女友豪住五星級酒店，相比之前偷食的維多利亞時鐘酒店，箍煲誠意，路人皆見，成功非偶然！陳肇麒上月13日英超煞科大戰之夜，背住正印女友劉雅婷，拖Toby的好姊妹Emily到天后維多利亞時鐘酒店爆房，在酒店溫存100分鐘，換來雙失青年身份，因煲煙影響球員形象，不但即時被南華球隊老闆羅傑承替他退選「香港足球明星選舉」，及後更被解約。
