修甲師㩒住搶 閃石當水晶逐粒計 138元美甲變800元
[轉載/Youtube]愛美一族小心中招！美甲店窺準女士喜愛閃亮效果，力銷在指甲貼上閃石、閃片，甚至施華洛世奇水晶。旺角有美甲店趁客人Gel甲時雙手不能亂動「㩒住搶」，不斷在指甲貼閃石，原本138元的Gel甲服務，變貴至800元。不少人在網上各大討論區大吐苦水，指在旺角花園街悅卿專業美甲Gel甲時被劏至一頸血。曾中招的陳小姐，修甲時被不斷加收費用。「問佢幾多錢唔答，係咁喺我隻手貼石，話係施華洛世奇水晶，都唔似！」原本138元的Gel甲服務，最終被瘋狂加收至800多元。
不少受害人炮轟該店屈錢，美甲師修甲時無知會花紋樣式，邊做邊「設計」，花紋多大及使用多少水晶，可謂「任佢噏」。客人問價時，店方只以「整好先計」拖延。以每粒水晶3元計，一隻指甲隨時貼上數十粒，埋單以數百甚至逾千元，不少人爭拗不果，無奈付款。
《蘋果》記者到該店放蛇，一名中年男士站在門外推銷，10隻手指Gel甲收138元。記者表示欲試整一隻，他稱收50元，隨即動手「製作」，手勢笨拙地磨甲、落Gel、塗甲油等，再交予另一美甲師在指甲上繪圖。
敷衍回答實質收費
美甲師30秒畫完，並問：「你鍾唔鍾意？你鍾意就得。」隨即二話不說便抹去甲油，游說記者做10隻手指，並稱記者指甲太短要駁長才能Gel甲。記者不斷問收費，她態度敷衍說：「你要貼水晶，要睇貼幾多，貼完先知幾多錢」。
兩小時後Gel甲完成，記者拒絕畫花，她一言不發便不斷在指甲貼閃片，多番制止也不理，直至貼了19塊閃片才停，共收費295元。記者兩天後到另一美甲店拆除Gel甲，美甲師稱Gel甲手工差劣，指甲更被過份打磨。
悅卿專業美甲否認屈客，該店負責人廖小姐表示，修甲前均向顧客說明收費，又稱所使用的閃石為施華洛世奇正貨，「我哋喺深水埗批發攞返嚟，有認證，可以攞去驗證」。
