大型屋苑「豆腐渣」現形 颱風下窗破牆身水長流 水浸17樓
多位藝人險被颱風「吹」毀家園
冧樹似地震 綠化樹無根 2012-07-25
大樹連根拔 災情如地震後
颱風吹冧正生 廁所都無埋 2012-07-25
正生四成損毀 變爛校舍
有家歸不得 千人夜宿港鐵
乘客狼狽 安排混亂 政府促港鐵三日內解釋
乘客滯留車站瞓地 鬧爆港鐵安排差
[轉載/Youtube]暴風雨中，在街上固然危機四伏，但閉門家裏坐，也隨時禍從天上來。多個大型屋苑昨在颱風下上演「豆腐渣」現形記。強化玻璃窗一吹即破、大批窗框飛脫落街、牆身和窗罅「水長流」。住戶如災民整晚狼狽抗風擋雨，有得震無得瞓，有人形容：「用咗咁多錢買叠樓返嚟，好似住緊木屋咁。」度過驚慄一夜的黃氏夫婦，居住小西灣藍灣半島一座17樓一個500多平方呎單位。前晚9時許，天文台已發出八號颱風信號，當時黃太於廳中看電視，黃先生在窗邊眺望橫風橫雨下的維港夜景，突然間，睡房傳出巨響，兩夫婦查看赫見睡房窗台一個5呎乘6呎落地梗窗爆裂，玻璃碎散滿床上之餘，狂風暴雨迎面吹來，兩夫婦立即抬走床褥，關上房門兼毛巾封門罅，但不久睡房已變澤國，雨水從門罅毛巾中不斷滲出。
憤言「好似住緊木屋咁」
黃先生形容：「成晚覺得好恐怖，睡房頻頻傳出狂風尖叫聲，同埋好似房中有人不斷拍門咁，家仲有陰影。」兩夫婦喪失睡房即變廳長，但於漫漫長夜中，誰也睡不着。至早上10時許颱風轉三號波，他們才敢進入睡房執拾，經過一晚風吹雨打，房間猶如廢墟慘不忍睹。
「爆玻璃嗰時，我打電話畀管理處，佢話幫緊其他住戶搞緊玻璃窗，唔夠人手，我先知出事唔止我一個。」黃事後打聽得知，屋苑內約30個單位被吹爆玻璃窗，其中一、二、三及五座為重災區，質疑有關玻璃窗偷工減料，在暴風下不堪一擊。
居住馬灣珀麗灣的陳女士，半個月前發現主人房的落地玻璃窗有裂紋及鬆脫，曾通知管理處修理，新的玻璃窗已訂了回來，卻遲遲未裝上。她表示，遇上颱風突然轉強，該已被封板的玻璃窗終飛脫墮街，房間嚴重入水，毀爛木板窗台、床單、床褥及床頭燈，損失至少10萬元。「上年5月先買落呢間單位，乜嘢傢俬都係新，一晚就搞到不似人形。」
住在馬鞍山銀湖．天峰的葉太表示，前晚9時許，大廳一個已關上的氣窗，窗罅間不斷滲水。她說丈夫形容行近該窗邊「好似企落街冇擔遮咁。」他們用五條大毛巾蓋上窗台上，整晚不斷扭水換巾，非常狼狽。另外，鑽石山星河明居的陳小姐也表示，前晚颱風期間，近窗台的牆身不斷滲水，懷疑手工粗糙引致，丈夫更氣結說﹕「用咗咁多錢買叠樓返嚟，好似住緊木屋咁。」
