學友巡演吸客 創健力士紀錄
張學友巡唱完結與囡囡度暑假
2012-06-01
[轉載/Youtube]歌神張學友合共146場的巡迴演唱會，前晚在亞博館完成最後一場，他在一年內巡迴演唱中的觀眾人數創出健力士紀錄，連新一代歌神陳奕迅（Eason）亦鬼馬地跪拜歌神學友。張學友的「1/2世紀演唱會」已先後在多個地方及國家巡迴演出，前晚第146場尾場在亞洲博覽館完成，全場爆滿，當中陳奕迅、狄波拉、蔡一智和腹大便便的老婆皆有捧場。尾聲時學友唱出多首經典金曲包括有《月半彎》、《遙遠的她》、《明日世界終結時》和《輕撫你的臉》等，學友唱《月》歌時表示：「呢首歌喺之前嘅145場都冇唱過，係我嘅網球師傅要我唱。」
年過半百感滿足
現年51歲的學友在台上表現依然精力充沛，他笑說：「我嘅50歲啱啱過去，唔知大家嘅50歲又點過呢？過去呢一年半，陪住我嘅人啲開心、笑容、拍手等嘅表情我都記得，大家同我一齊唱，我真係有好大嘅滿足感，本身我係好含蓄嘅人，但真係好多謝大家，平時我好少講呢啲。」學友更表明完全沒有退休念頭說：「將來到60或70歲，只要有你哋喺度，我都會將自己最好嘅做出嚟。」最後他以一曲《祝福》完場。
原來學友在過去12個月內巡迴演唱中的觀眾人數高達2,048,553人，前晚在慶功宴上健力士世界紀錄認證官吳曉紅向他頒發有關證書。學友說：「我有諗過一世咁做落去，因為可以做自己鍾意嘅事，真係唔使諗。」參與慶功的Eason謂：「當年你嘅《Smile Again瑪利亞》已經買你嘅碟。」兩男還即場擁抱，但卻似撞在一起，學友笑說：「你咪以為同阿詩（何韻詩）先得。」Eason更向學友跪拜，引得哄堂大笑。
Eason跪學友
Eason大讚學友巡迴個唱足足146場很厲害：「要一直17個月唔可以病，真係勁，我畀50個100分，爆晒分，我相信佢唔收錢都做得咁開心。」至於跪拜學友，Eason稱：「咁佢係神嚟㗎嘛。」
