栢芝恨復合 嗌霆鋒老公 2012-07-17
[轉載/Youtube]張栢芝上年同謝霆鋒離婚，栢芝負責照顧一對囝囝Lucas同Quintus。呢排天氣時晴時雨，小朋友好容易感冒，據知Lucas同Quintus輪住病，Quintus上個禮拜仲發燒要入養和留院，栢芝就要兩邊走照顧兩個仔，霆鋒日前亦漏夜去探Quintus。一直有傳栢芝恨同霆鋒復合，佢見霆鋒去醫院，就即刻係咁叫霆鋒做老公。其實佢哋都離咗婚就嚟一年，栢芝仲唔肯改口，明顯好恨箍煲。雖然栢芝成日死口話唔會復合，不過都係口硬心軟。日前又有人將栢芝戴住口罩同兩個仔喺金鐘買玩具嘅相放喺微博，栢芝經理人Emily馬上轉發，仲擦鞋大讚栢芝：「帶孩子真不容易，佩服、佩服。」
