不忿被指唔滿座 亂翻舊賬 黃貫中爆粗嚇記者
黃貫中（Paul）多年嚟同記者關係相當唔錯，但係自早前被記者追問佢同基督徒女友朱茵未婚懷孕，再加埋有報道話佢日前喺紅館開騷入座率只有七成，又嫌報道篇幅細後，Paul近日竟然狂鬧記者。
Paul 尾場發老脾 咒自己車死
Paul尾場騷爆粗流馬尿 2012-07-16
[轉載/Youtube]Beyond靈魂人物黃家駒雖然離開咗19年，不過佢嘅精神仍牽動歌迷心靈，何況當年同佢合作無間嘅隊友黃貫中（ Paul）。前晚完成一連兩場紅館個唱嘅 Paul獻唱《情人》時，連身邊結他手老占都感動到喊起來， Paul衝口而出話：「黐 X線」，但平時硬朗嘅 Paul突然感性起來，佢話一直好少提起家駒係怕捱唔住，仲讚家駒精神不滅。
保怡趕到合唱
點知當 Paul以寫畀家駒嘅歌《不見不散》作結尾歌時，終於忍唔住流淚，佢仲大聲講：「流馬尿有乜所謂！」林保怡終於趕到喺尾場現身，會合黃德斌同陳豪、 Paul唱《年少無知》。
對於有報道話頭場入座率得七成同報道嘅版面細， Paul喺慶功宴發火話：「我用咗30幾年做音樂，若果覺得黃貫中係垃圾都好，但我仲企喺度，咁多年不停挖苦我有乜居心？整死我你哋開乜？希望你哋搵到第二個黃貫中。」記者解釋頭場報道只趕頭15分鐘， Paul說：「吓，當我誤會囉，咁我正仆街，出街俾車車死。」 Paul又話寧願唔好登都唔要篇幅咁細，感覺好沮喪。
