2012.5.26
Rap爆CY 范椒樣唔HIGH 1012-05-28
李文浩 rap爆五司十四局
[轉載/Youtube]上周一個「悶到發癲」嘅立法會政制事務委員會公聽會上，140個團體同人士輪流發言，如果大家瞌眼瞓嘅話，就會錯過咗全日最精采嘅發言，佢就係「梁心關注組非執行茶水助理」、人稱Duff嘅李文浩，佢rap住歌聲討狼振英嘅五司十四局，反對設立文化局，Yo！等八方同你回顧吓呢段精采嘅rap：「以下呢段對話．想送比親愛嘅梁振英．廿三年前你英明．刊登咗一個聲明．譴責中共屠城．閣下將良心盡傾．可惜自成立梁營．凶鈴陪伴失明．竟然建議將諾貝爾和平獎頒俾鄧小平……」。佢愈rap越過癮，鏡頭面前只見長毛笑逐顏開，禮義廉嘅劉江華睇電腦扮聽唔到，最緊要係候任特首辦主管羅范椒芬，狀似跟住個beat喺度搓大髀，絕對值得一看。阿Duff已經唔係第一次上立法會，早排喺立法會有關修訂版權條例會上已表明反對立場，怪唔知之得rap得咁順咁開心。
