詹瑞文龍心上身 誘女埋身
[轉載/Youtube]詹瑞文下周四起於文化中心舉行10場舞台劇《硬膠先生勇救核心價值》，今次他會一人分飾50個角色，可說是一個大挑戰。當中部份角色會預早拍片以短片形式出現，日前詹Sir扮演了近日言行出位的維園霆鋒龍心，於新蒲崗出巡引來女途人邀請玩自拍。詹瑞文日前化身成近日經常見報的維園霆鋒龍心，為舞台劇《硬膠先生勇救核心價值》拍攝短片。詹Sir透露劇中會有報新聞環節，報道「硬膠霆瘋」的動向，而新聞的標題為「維園霆瘋發噏風，舉起張凳兩粒鐘」。談到演維園霆鋒，詹Sir說：「我呢個霆瘋係會乜都鬧，因為香港人壓力太大，唔鬧晒出嚟就真係會變瘋。」
唔怕踩場
對於維園霆鋒近來的言行，包括涉嫌於網上電台節目抽水一事，詹Sir表示都有留意，他說：「我唔會判斷佢有冇事，我只會話佢飄忽，其實佢都不知幾清醒，特別係同人嗌交時佢好有條理。啲途人偷拍佢時，佢又好敏感知人哋影緊佢，所以都唔知佢係點嘅一個人。」
問詹Sir會否擔心被龍心指他抽水或到演出場地踩場？他笑說：「如果佢要嚟我都阻佢唔到，我成日都俾人話抽水㗎啦。不過佢呢排真係紅呀，成日都有記者專訪佢，又多新聞。」
途人圍觀
拍片當日，詹Sir在新蒲崗工廠區出巡，引來不少途人圍觀及拍照，這個「硬膠霆瘋」與維園霆鋒一樣，甚有女人緣，其間有女途人上前要求與他自拍，詹Sir說：「估唔到佢咁勁，啲女仔真係會自動埋身㗎。扮佢唔難，最緊要係亂咁噏，同埋學佢啲手勢。」
