2012-06-14
同性戀＝吸毒 明哥阿Y插爆林以諾
不滿將同性戀等同吸毒 群星圍插林以諾
同性戀嘅基督教應該做D乜 (林以諾 牧師)
光明頂2012-06-13同性戀爭議
[轉載/Youtube]作風高調、與陳志雲份屬友好的林以諾牧師，近日在佈道會上，竟將同性戀與吸毒、賭博和爆竊等罪行相提並論。該片段前晚被周柏豪在facebook轉載後即時震撼娛圈，一眾藝人包括已出櫃的黃耀明、潮人黃偉文及何韻詩等群起圍插林以諾。自從黃耀明今年4月在演唱會中公開承認同性戀身份，即獲一致讚許其行為勇敢，然而，以舉辦棟篤笑式佈道會聞名、近年因與陳志雲熟絡而經常見報的林以諾牧師，早前在佈道會上發表反同性戀言論，引起一眾藝人不滿之餘，亦令不少基督教徒反感。該段片段早於今年3月上載至YouTube，相信是教友之間傳閱，故一直未被大眾察覺，直至前晚周柏豪在facebook分享該短片連結，再經何韻詩轉載後，片段始在網絡上瘋傳，YouTube的點擊次數已超過25,000次，並有1,200個dislikes。
「所有罪行冇分大細」
林以諾在片段中分享對同性戀的看法，他說：「無論同性戀、無論係吸毒、無論係毒癮，其實我哋一視同仁，所有罪行冇分大細。」之後他反駁同性戀是與生俱來，並以生癌為例說：「如果醫生同你講你患咗cancer係遺傳，咁你會唔會唔醫？」
黃耀明昨晨在微博炮轟林以諾，他寫道：「就是像林牧師一般的宗教狂熱分子，將猶太人與同性戀者推進納粹集中營……看完條片之後，你就明白原來世界末日就是從香港的林牧師開始，一點一點的潰爛。他的病叫自以為是，他病發時要消滅異己。」
籲友勿叫Wyman寫詞
明哥昨晚在中環繼續炮轟說：「將同性戀比喻為犯罪，好荒謬。」明哥斥林以諾的言論有如恐怖分子，他又希望香港通過同性結婚合法化，他說：「不過我暫時未有結婚想法。」
黃偉文（Wyman）昨晨也在微博爆料說：「某牧師叫某教友歌手不要找我寫歌詞，因為他覺得我是個同性戀者，而且我寫的歌詞處處維護同志支持同志，該教友歌手後來還是沒有停止過找我填詞。」記者昨致電Wyman，他說：「林牧師將同性戀惡魔化，已經唔係第一日，最近似乎用咗更激進嘅方法去表達。」他認為同性戀不等同吸毒、打劫等罪行。至於他在微博提到的歌手，是否與林以諾相熟的鄭秀文？Wyman說：「我唔方便公開牧師同歌手嗰名，唔想呢位歌手難做。」
「對人類最差嘅歧視」
Wyman坦言聽到此事時很生氣，他說：「家係乜嘢年代？竟然仲有一個人因懷疑一個人嘅性取向，將人家工作機會攞走，今日可以發生喺佢懷疑嘅同性戀身上，翌日亦可以因宗教信仰唔同，呢個係對人類最差嘅一種歧視。」另外，何韻詩前日在facebook寫道：「讓大家知道，這個世界是有人如此理直氣壯地表達自己的愚昧與無知。」藍奕邦亦在微博寫道：「看過你（指林以諾）有關同性戀的言論，將同性戀跟吸毒生癌和爆竊相提並論，令我很震驚。Just want to say......you are a disgrace to the christian community！（只想說，你是基督教之恥！）」周柏豪也在fb說：「我不懂聖經，但多口問句，錯的DNA是誰創造出來？罪是誰創造出來？」本報記者昨日致電林以諾，他的助手回覆說：「林牧師唔喺香港，兩星期後至返，等林牧師返嚟，你哋親自問佢。」但據悉他昨晚深夜往商台接受《光明頂》訪問，為言論解畫。
採訪：林妃、林嘉慈
林以諾反斷背言論
林以諾指同性戀是罪和病，一時又指是道德問題，但最後又說愛心、法律和聖經不會矛盾，邏輯非常混亂。
「唔好忘記，無論同性戀、無論係吸毒、無論係毒癮，其實我哋一視同仁，所有罪行冇分大細。」
「醫學冇十足證據話畀我哋聽100個同性戀，100個都係天生，就算係天生，天生唔係大晒，天生殺人狂係咪就唔使坐監？」
「如果我哋患咗cancer，醫生同你講你個cancer係遺傳，咁你會唔會唔去醫？如果同性戀係天生，所以我哋認為呢個行為係合法嘅話，咁等於如果我遺傳係天生嘅，咁呢個癌症係合法存在，我使乜醫佢啫。」
「如果你今日坐喺你隔籬嗰個，專係老爆（爆竊）嘅，我哋都歡迎佢返嚟聚會，但最好你去自首囉。我會話畀你聽呢個行為法律係不能接受，愛心係一回事，法律係一回事。」
